Mâʹmmet vuäitak vuäǯǯad takai jälstemtuärjjõõzz?
Jälstemtuärjjõs vuäitt leeʹd jäänmõsân 80 proseʹntted leʹbe nellj viiđadvueʹzz jälstemkoolain. Määusak âʹte jälstemkoolainad pâi uuʹccmõsân 20 proseeʹnt leʹbe õõut viiđadvueʹzz jiõčč.
1.4.2024 ääʹljeeʹl jälstemtuärjjõs vuäitt leeʹd pââʹjmõsân 70 proseʹntted jälstemkoolain. Mâŋŋa tõʹst määusak pâi jiõčč ooʹccmõsân 30 proseʹntted jälstemkoolainad.
Jälstemtuärjjõõzz jeät kuuitâǥ mahssu pukin jälstemkoolain, peʹce primmsallaš jälstemkool lie meäʹrtõllum lääʹjjest.
Lääʹjjest meäʹrtõõlât še jäänmõsjälstemkoolaid leʹbe šuurmõs jälstemkoolai euʹrrmeäʹr, koon vuâđald vuäitt vuäǯǯad jälstemtuärjjõõzz.
Jõs tuu jälstemkool lie šuurab ko jäänmõsjälstemkool, vuäitak vuäǯǯad jälstemtuärjjõõzz jäänmõsân jäänmõsjälstemkoolai mieʹldd.
Jäänmõsjälstemkoolaid vaaikte azlmest jälsteei vuõrâsoummi da päärnai lååkkmieʹrr di aazzâlm sâjjõskåʹdd.
Aazzâlm sâjjõs
Kååʹdd lie juõkkum neellj jouʹǩǩe jälstummuž hââʹdd mieʹldd.
Vuõssmõs jouʹǩǩe kooll tåʹlǩ Heʹlssen.
Nuuʹbb jouʹǩǩe koʹlle
- Espoo
- Kauniainen
- Vantaa.
Kuälmad jouʹǩǩe koʹlle
- Hyvinkää
- Hämeenlinna
- Joensuu
- Jyväskylä
- Järvenpää
- Kajaani
- Kerava
- Kirkkonummi
- Kouvola
- Kuopio
- Lahti
- Lappeenranta
- Lohja
- Mikkeli
- Nokia
- Nurmijärvi
- Oulu
- Pori
- Porvoo
- Raisio
- Riihimäki
- Ruäʹvnjargg
- Seinäjoki
- Sipoo
- Siuntio
- Tampere
- Turku
- Tuusula
- Vaasa
- Vihti.
Neelljad jouʹǩǩe koʹlle puk jeeʹres kååʹdd, tåʹlǩ ij Ålaand.
Ålaand kååʹdd koʹlle jiijjâs-i jouʹǩǩe.
Heʹlssen kooll 1.4.2024 ääʹljeeʹl seämma jouʹǩǩe ko Espoo, Kauniainen da Vantaa. Mâŋŋa tõʹst joouk lie tåʹlǩ kolmm.
Ärvvtõõl laʹsǩǩeem-mašinain, mâʹmmet vuäitak vuäǯǯad jälstemtuärjjõõzz (lääddas).
Ouddmiârk
Õuddimiârki euʹrrmeäʹr lie viõǥǥâst 1 . 4 .2024 ääʹljeeʹl.
Päälaǥ jäälast õhttu vuåkrrazlmest Heʹlssnest. Son mähss vuåkr 800 euʹrred määnpââʹjest. Õhttu jälsteei oummu jälstemkoollan vueiʹtet Heʹlssnest priimmâd jäänmõsân 563 euʹrred määnpââʹjest. Päälaǥ jälstemtuärjjõõzz meäʹr laʹsǩǩeet âʹte 563 eeuʹr mieʹldd. Tõn jeät laʹsǩǩuku Päälaǥ vuåkr leʹbe 800 eeuʹr vuâđald.
Åʹll jäälast õhttu vueʹllposttšeʹǩǩen Ǩeeʹmm-gåårdest. Son mähss vuåkr 291 euʹrred määnpââʹjest. Õhttu jälsteei oummu jälstemkoollan Ǩeeʹmm-gåårdest vueiʹtet priimmâd jäänmõsân 394 euʹrred määnpââʹjest. Ååʹll jälstemtuärjjõõzz meäʹr laʹsǩǩeet âʹte vuåkr leʹbe 291 eeuʹr mieʹldd, ko vuåkr mieʹrr ij mõõn jäänmõsjälstemkoolai pâʹjjel.