Kela tuärjjõõzz päʹrnnpiârrjid | Nuõrttsääʹmǩiõll | KelaSirddu siiskõʹsse

Kela tuärjjõõzz päʹrnnpiârrjid

Kela tuärjjõõzz veäkka puärraz vueiʹtte leeʹd dååma päärnaines vuõssmõs vääžnai määnpõõʹji ääiʹj. Mâʹŋŋlest Kela tuärjjad päärna håiddmõõžž da päärnast šõddi koolaid.

Ǩii vuäitt vuäǯǯad päʹrnnpiârri tuärjjõõzzid?

Vuäitak vuäǯǯad Kelast päʹrnnpiârri tuärjjõõzzid, ǥu jälstak Lääʹddjânnmest põõššinalla. Jõs jälstak Lääʹddjânnmest tåʹlǩ siõmmna ääiʹj, jiõk takainalla vueiʹt vuäǯǯad Kela tuärjjõõzzid. Kuäʹss-ne tuärjjõõzzid vueiʹtte vuäǯǯad še oummu, kook jälste jeeʹresåʹrnn leša reâugga Lääʹddjânnmest.

Jõs leäk jälstam ålggjânnmin leʹbe leäk siirdčõõttmen ålggjânnmid, tääʹrǩest Kelast, vuäitak-a vuäǯǯad Kela tuärjjõõzzid. Serddmõš Lääʹddjânnmest meädda leʹbe vuäʹnkab åårrmõš ålggjânnmin vuäitt vaaikted Kela mäʹhssem tuärjjõõzzid.

Kõõjj lââʹzz päʹrnnpiârri tuärjjõõzzin kääzzkâʹsttemnââmrest 020 692 206.

Koid tuärjjõõzzid päʹrnnpiâr vuäitt vuäǯǯad?

Kela tuärjjõõzz päʹrnnpiârrjid lie

  • jeäʹnnveäʹǩǩvuõtt
  • puärrsipeiʹvvtieʹǧǧ
    • vueʹrddempââʹjjteäʹǧǧ
    • spesiaalvueʹrddempââʹjjteäʹǧǧ
    • puärrsiteäʹǧǧ
    • eʹččvuõtt-teäʹǧǧ, jõs pääʹrn laʹsǩǩuum äiʹǧǧ leäi ouddâl 4.9.2022
  • päärnažlââʹss
  • päärnaihååid tuärjjõõzz
    • dommhååid tuärjjõs
    • šiõttõllum håiddteäʹǧǧ
    • privatt hååid tuärjjõs
    • vueʹsshåiddteäʹǧǧ
  • puõcci da lääʹmes päärna tuärjjõõzz
  • jeäʹltemtuärjjõs.

Päʹrnnpiâr vuäitt vuäǯǯad jeeʹres Kela tuärjjõõzzid

Tääʹrǩest še, vuäitak-a vuäǯǯad jeeʹres Kela tuärjjõõzzid. Jeeʹres piârrja kuulli Kela tuärjjõõzz lie ouddmiârkkân jälstummuž tuärjjõõzz, mättʼtõõđi tuärjjõõzz, prizoovneeʹǩǩ tuärjjõõzz, reâuǥteʹmesvuõttstaan da puõccma kuulli koʹrvvõõzz.

Looǥǥ lââʹzz