Ereslágán iäláttuvah
Iäláttuv puáhtá finniđ maaŋgâ eellimtiileest. Iäláttuvâid mäksih pargoiäláttâhlájádâsah já Kela.
Tun puávtáh finniđ iäláttuv, ko tun šoodah iäláttâhahan. Ovdil iäláttâhave tun puávtáh finniđ iäláttuv pargonavcâttesvuođâ tâi pargottesvuođâ vuáđuld. Toos lasseen tun puávtáh finniđ peerâiäláttuv, jis tuu omâhâš jáámá.
Maid iäláttuvâid tun puávtáh finniđ?
Iäláttuvâid puáhtá finniđ pargoiäláttâhlájádâsâin já Kelast. Pargoiäláttâhlájádâsah mäksih pargoiäláttuv. Tot vuáđuduvá páálkán já eres pargopuáđoid. Jis pargoiäláttuv lii ucce, te tun puávtáh finniđ iäláttuv meid Kelast.
Pargoiäláttâhlájádâsah já Kela mäksih iäláttuvâid kuulmâ sierâlágán tiileest. Tun puávtáh finniđ iäláttuv, ko tun juuvsah iäláttâhave. Ovdil iäláttâhave tun puávtáh finniđ iäláttuv pargonavcâttesvuođâ tâi pargottesvuođâ vuáđuld. Toos lasseen tun puávtáh finniđ peerâiäláttuv, jis tuu omâháš jáámá.
Vyelni orroo kován láá nurrum iäláttuvah já ton muulsâiävtuh sierâ tiilijn.
Iäláttuv lasseen tun puávtáh finniđ Kelast
- pärnialedem
- iäláttuvfinnejeijee aassâmtorjuu
- iäláttuvfinnejeijee tipšotorjuu
- radostâhlase já paijeelmiärálâš radostâhlase
- vuáđuáigápuátutoorjâ.
Pargoiäláttâh
Váldu-uási iäláttuvâin láá pargoiäláttuvah. Pargoiäláttâh čoggâšuvá, ko tun lah pargoost já finniih päälhi.
Pargoiäláttuvâid hoittájeh pargoiäláttâhlájádâsah, moh láá maaŋgah.
Tun já tuu pargoadeleijee leppee máksám tuu pargoiivij mield pargoiäláttâhmáávsuid. Tuu iäláttuv meeri meriduvvoo tađe mield, ete mon ennuv tun lah ánsášâm pargokarrieer ääigist.
Priivaat irâtteijee lii máksám iäláttâhmáávsuid iäláttâhfinnodâhân, mon sun lii valjim. Eennâmtuáluirâtteijee lii máksám iäláttâhmáávsuid suu jieijâs iäláttâhlájádâsân, Melan.
Tun finniih tiäđu pargoiäláttuvâin
- tuu jieijâd pargoiäláttâhlájádâsâst
- Iäláttâhtorvokuávdáást (Eläketurvakeskus)
- neetist tyoelake.fi-siijđoin (suomâkielân).
Maht puávtáh uuccâđ iäláttuv?
Táválávt puávtáh uuccâđ sehe pargoiäláttuvâid já Kela mäksim iäláttuvâid já tiätu olgoenâmij iäláttuvâid siämmáá luámáttuvâiguin teikâ neetist.
Kela puárásijiäláttuv já táhádâsiäláttuv puávtáh uuccâđ meid njálmálávt puhelimist tâi Kela toimâttuvâst.
Puávtáh meid koijâdiđ lase palvâlemnumerist 020 692 202.